Ons betaal vir kankerbehandeling uit ons Onkologievoordeel

Dit is uitdagend om te hoor dat kanker by jou of 'n geliefde gediagnoseer is. Ondersteuning is noodsaaklik as mens kanker het. Ons Onkologieprogram is maklik om te gebruik en dit gee aan lede en hul gesinne gemoedsrus dat hulle dekking vir kankerbehandeling het.

Hoe die Onkologievoordeel werk

Die Onkologievoordeel gee lede dekking vir goedgekeurde kankerbehandeling. Alle lede wat vir die Onkologieprogram geregistreer is, het toegang tot chemoterapie, medisyne en ander items asook bestralingsbehandeling en PET-skanderings in die hospitaal en buite die hospitaal.

Dekking vir jou kankerbehandeling

Remedi bied drie voordeelopsies om uit te kies: die Omvattende, Klassieke en Standaard-voordeelopsies. Jou dekking hang af van die voordeelopsie waarop jy geregistreer is. Op die Omvattende en Klassieke voordeelopsies is jou dekking per persoon gestruktureer en 'n gesinslimiet geld. Dit beteken dat indien kanker by meer as een persoon in jou gesin gediagnoseer word, julle toegang tot voldoende dekking vir julle kankerbehandeling sal hê.

Jy sal bybetalings van tot 20% moet betaal as jy vir die Omvattende of Klassieke voordeelopsie geregistreer is en jou individuele onkologielimiet (limiet per persoon) bereik het. Vir professionele gesondheidsorgverskaffers wat nie 'n betalingsooreenkoms met die Skema het nie, kan jou bybetaling meer as 20% wees as jou behandelingskoste hoër as Remedi se tarief is. Ons sal professionele gesondheidsorgverskaffers wat 'n betalingsooreenkoms met die Skema het, teen 80% van die ooreengekome tarief vir alle verdere behandeling betaal. Jy sal die res uit jou eie sak moet betaal.

Jou individuele (per persoon) limiet is 'n deurlopende limiet wat vanaf die diagnosedatum tot die volgende jaar strek. Dit is nodig sodat elke gesinslid genoeg geld het om behandeling te kry gedurende hul jaarlikse behandelingstydperk vanaf hulle diagnosedatum.

Radiologie en patologie wat vir jou kankerbehandeling goedgekeur is, word ook uit die Onkologievoordeel gedek. Kankerbehandeling wat onder die Voorgeskrewe Minimum Voordele val, word altyd ten volle gedek, sonder enige bybetaling. Dit is mits jy diensverskaffers gebruik met wie ons 'n betalingsooreenkoms het. Lede wat vir die Standaard-voordeelopsie geregistreer is, is dus verseker van voldoende dekking vir kankerbehandeling volgens die Voorgeskrewe Minimum Voordele. Dit geld mits die lid hul behandeling by professionele gesondheidsorgverskaffers en fasiliteite kry wat die Skema se aangewese diensverskaffers is of binne die netwerkooreenkomste van hierdie voordeelopsie val.

Hoe om vir die Onkologieprogram te registreer

As kanker by jou of een van jou afhanklikes gediagnoseer word, kontak ons versorgingspan deur 0860 116 116 te skakel om jou of jou afhanklikes vir die Onkologieprogram te registreer. Jy kan ook 'n e-pos na DCO_oncology@discovery.co.za stuur. Vir meer inligting oor die Onkologieprogram en die beskikbare voordeellimiete wat jy op elk van die Remedi-opsies het, gaan hier na ons voordeelgids.