Vyf redes om digitale hulpmiddels te gebruik

Jy kan algemene inligting oor Remedi op ons webwerf, www.yourremedi.co.za, kry. Sodra jy op die webwerf registreer, ontsluit jy kragtige hulpmiddels wat jou help om jou beskikbare voordele na te gaan en jou voordeel-opsie te bestuur, waar jy ook al gaan.

Jou gebruikersnaam en wagwoord gee jou vinnige en maklike toegang tot jou lidmaatskapbesonderhede, jou persoonlike besonderhede en jou Remedi-voordeelbesonderhede op ons webwerf en op Remedi se toepassing op jou Android- of Apple-slimfoon.

Die volgende hulpmiddels is beskikbaar om jou op hoogte te hou en jou lewe makliker te maak:

1. 'n Lidmaatskapkaart wat jy nie kan verloor nie

Solank jy en jou afhanklikes julle slimfone byderhand het, het julle toegang tot die virtuele lidmaatskapkaart deur die eenvoudige stappe hieronder te volg.

1. Laai Remedi se toepassing vir slimtoestelle van Google Play of die App Store af.
2. Teken met dieselfde gebruikersnaam en wagwoord aan as wat jy vir www.yourremedi.co.za gebruik.
3. Kies View membership card op die Medical aid landingsblad.
4. Jy sal jou digitale lidkaart daar sien.

2. Gaan jou beskikbare voordele na

Jy kan die voordele wat jy reeds gebruik het eenvoudig op die webwerf of in Remedi se toepassing nagaan. Dit wys jou watter voordele jy en jou afhanklikes gebruik het, watter voordele beskikbaar is en of daar limiete op jou dekking is. Klik op Benefits op die landingsbladsy van Remedi se toepassing of meld aan by die webwerf en gaan na Your benefit option details > Benefits used.

3. Vind 'n gesondheidsorgkundige

Die webwerf en die toepassing het 'n handige soekfunksie sodat jy 'n gesondheidsorgkundige naby jou kan vind. Sodra jy by die webwerf aangemeld het, hoef jy net Hospital and doctor visits te kies en dan kan jy 'n gesondheidsorgkundige opspoor. Jy kan dit doen deur die soort mediese kundige wat jy nodig het of die kundige se naam in te voer, asook jou omgewing, of klik eenvoudig op Find a healthcare professional op die landingsbladsy van Remedi se toepassing.

4. Dien eise in

Jy kan jou eise elektronies instuur en hierdie eise dan deur die webwerf en Remedi se toepassing naspoor.

5. Bekyk jou gesondheidsrekord en deel dit

Jou gesondheidsrekord bevat jou mediese geskiedenis, soos vir watter medisyne jy geëis het, wanneer jy die dokter besoek het en wat jou diagnose was. Jy kan jou dokters ook toegang tot hierdie inligting gee sodat hulle jou mediese geskiedenis ken wanneer hulle jou behandel.

Vind antwoorde op jou dringende vrae

Ons hou tred met die soort vrae wat ons lede ons vra. Jy kan antwoorde hier op Remedi se webwerf vind.